Hæ þið sem kíkið hingað reglulega ennþá en ég var að kíkja hérna inn eftir þó nokkurn tíma núna áðan á að vera að skrifa ritgerð en er ekki alveg í stuði fyrir það

 

En mig langaði að benda þeim sem detta hérna inn á virkt umræðuborð á www.magaadgerd.com  þar er hægt að pósta inn því sem fólk vill spurningum og annað og það getur enginn lesið það nema skráðir meðlimir.

Endilega kíkið þar inn margt fróðlegt að sjá.

Kveðja Una

Hef nú ekki fyrr bloggað formlega á þessari síðu, það var nú með mig eins og Herborgu að ég var alltaf að reyna að komast inn á hina spjallsíðuna en minn tölvuheili er greinilega það takmarkaður að ég náði aldrei upp í hvernig ég átti að tengjast inn á síðuna svo ætli ég láti þessa síðu ekki duga.

Fór í aðgerð í nóvember 2005 eftir undirbúning í Kristnesi og hefur allt gengið þvílíkt vel fram undir þetta. Búin að missa rúmlega 80 kíló frá því að ég byrjaði í undirbúningnum í sept. 2005. Hélt því reyndar fram frá upphafi (líka við læknana) að ég hefði bara verið í viðmiðunarhóp og verið látin halda að ég hafi farið í aðgerð því ég fann aldrei fyrir neinu nema bakverk þar til ég fór í betra sjúkrarúm. Svo í vetur hafa blóðprufurnar farið að sína að efnabúskapurinn er ekki alveg í lagi, í haust kom í ljós að B-12 er of lágt svo að ég þarf að gefa mér B-12 í sprautum og nú í síðustu viku kom í ljós að járn og járnbindigeta er alltof lágt og blóðmagnið er einnig orðið of lágt. Svo nú er ég farin að borða járntöflur í viðbót við öll hin vítamínin og bætiefnin sem ég tek. Ég sem var þvílíkt hress og leið frábærlega. Get borðar hvað sem er og gert allt sem mig langar til, gat það reyndar líka fyrir aðgerð en nú er það allt auðveldara. Vinn fulla vinnu og er á kafi í félagsmálum líka svo suma daga er ég að í 12 -14 tíma. Eina vandamálið er að koma líkamsræktinni almennilega fyrir. Tíminn sem hentar best er kl. 6.15 á morgnana en ég er bara svo morgunlöt að eðlisfari að það gengur frekar illa.

Vonandi gengur allt vel hjá ykkur.

Bjarnveig Ingvadóttir

Halló !!

Hvað er svo að frétta af okkur öllum sem stöndum að þessari síðu og hinum líka sem hafa verið að fylgjast með og taka þátt ??

Af mér er allt fínt að frétta, það eru orðnir rúmir fjórir mánuðir frá aðgerð og eins og staðan er í dag þá er ég bara rosalega ánægð með mig.  Ég er strax á þessum stutta tíma orðin rúmlega hálfnuð með að léttast um þau kíló sem ég ætla að léttast um gæti ekki verið betra.  Ég get borðað nánast allan hollan og góðan mat, læt óhollustuna vera að mestu.. jólin hjá mér gengu vel og smakkaði ég nánast allan mat sem er í boði á þeim tíma, jólin voru samt erfið því ég var með varan á allan tímann og gat aldrei leyft mér að gúffa matnum í mig eins og maður hefur verið vanur á þessum tíma.. fyrstu jólin mín lika þar sem ég er ekki útþembd af áti alla daga og nætur

Það væri gaman að heyra eitthvað af ykkur líka, ég hef ekkert gert tilraun núna lengi til að fara inn á þetta nýja spjall.. skildi hvorki upp né niður í þessu þarna þegar ég var að skoða þetta fyrst og komst ekkert áfram í þessu svo ég gafst bara upp og sakna þess að heyra ekkert af ykkur hinum sem eru að brasast í þessu sama (les náttúrulega bloggin þeirra sem blogga opinberlega)

bestu kveðjur

Herborg

 þá langar mig endilega að ná í þig Skvetta... minnir að nikkið þitt hafi verið það sendu mér meil á unanikk@gmail.com

En eruð þið ekki annars bara hress?

Ég átti að vera í endurkomu upp á reykjalundi í morgun en komst ekki þar sem það var hraðtafla í skólanum... og svo byrja herlegheitin á mánudag.

En hvernig er endurkomunni háttað  á Kristnesi ? sko hvað er gert í endurkomu ?

Sko málið er að hérna eru þeir að reyna einhverjar "Snilldar" leiðir í endurkomu og endurkoman byrjar kl hálf 9 og er til uþb 2.... mér finnst það bara alltof langur tími þar sem ég er ekki að meika meira en 2 mín með sumum einstaklingum í hópnum nema hafa hana Guðrúnu með mér þessi elska heldur ró minni í skefjum. Já og haldið ekki að ég hafi fengið þennan sæta engil frá henni í jólagjöf

en endilega segið mér hvernig prógramið á Kristnesi er.

Kv Una

Langaði bara að benda ykkur á síðu sem er með spjallborði um magaminnkun...

 

http://magaadgerd.com/phpBB/index.php

Endilega kíkið og þar getið þið spjallað og spurt um t.d kosti og galla 

Kv Una

Jæja gott fólk... lítið hefur verið um umræður hérna inni en ef einhverjir detta hérna inn og vilja fá upplýsingar endilega commentið og við svörum eftir því sem við best vitum.... Endilega ekki vera feimin við að spurja

                                  MBK                                      

Una Nikk

Undanfarið hef ég átt svolítið erfitt með nartþörfina á kvöldin og hef ég stöku sinnum fengið mér popp. Alltaf örbylgjulétt popp. Og alls ekki í miklu magni. Ætli það sé ekki í lagi? ég fæ amk ekki í magann af því Hafið þið prófað að borða popp? Hef að öðru leyti 99% haldið mig frá sælgæti. Hef smakkað nokkrum sinnum snakk en leyfi mér aldrei að borða nema SMAKK. Hef líka 2x fengið mér sykurlaust ópal. Allt annað hef ég látið eiga sig. Lendið þið aldrei í vandræðum með nartþörfina og nammi"þörfina"?

  Sælar

Er aðeins að velta fyrir mér þessu með öll vítamínin, fór í gær og var að endurnýja byrgðirnar mínar og konan í apótekinu var eitthvað að rugla í mér hún sagði að það ætti ekki að taka lýsi og vitaplus saman því þá væri ég komin með langt yfir rds af D vitamíni.. Er nú alveg sannfærð um að Svava sagði mér samt að taka þetta svona

Á morgnanna er ég að taka nexium, B12, vitaplus, lýsi

Að kvöldi tek ég vitaminus og járn, reydnar er vitaminus hvergi fáanlegt og veit ég ekkert hvað ég get tekið sambærilegt í staðinn fyrir það.. fann reyndar barnavitaminus í apotekinu en það var með sætuefni svo mér fannst það ekkert sniðug lausn og konan vissi ekkert hvað ég gæti notað og fór þá bara að rugla með þetta lýsi.

Núna er svo líka komið að því að taka inn kalk, hversu mikið magn af kalki á maður að taka daglega? ...finn ekki miðann frá Svövu

kv, Herborg

Sælar og sælir ef að það eru nú einhverjir strákar að lesa

Ég er búin að vera að fara í viktanir á reykjalund og ég kemst líklega í prógrammið í Janúar Sem að er mjög fínt finnst mér..

Núna er búið að herða allar reglur og mér var "skiptað" að hætta að reykja.. annars kæmist ég ekki inn í prógrammið. Þessi regla finnst mér samt alveg fín, væri erfiðara að hætta að reykja rétt fyrir aðgerð eða kannski daginn fyrir aðgerð.

Allavega, ég hætti núna 1 nóv og ég er ekki alveg að ná að halda mér "from the good stuff" s.s mat og sælgæti Ég er orðin stjórnlaus finnst mér.. næstum dottin í sama far, en sem betur fer ekki alla leið. Það er svo erfitt að "hafa ekkert að gera".. þegar að mér leiddist þá fékk ég mér sígó, ég hringi ekki í neinn lengur því að þá langar mér í sígó... var vön að reykja úti og tala við einhvern í símann í leiðinni.

'Ufff .. Þið sem að hafið hætt að reykja og verið á sama tíma að taka heilsuna í gegn, hvernig fóruði að þessu? Eruði með einhver ráð fyrir mig?

Ég vil alls ekki falla og byrja aftur að reykja en ég vil heldur ekki falla alveg matarlega séð..

Kv Olga

Hver eining á myndinni er kíló.... eitt kíló af sykri!



Hver eining stendur fyrir hvert kg sem að hún Una er búin að fleygja frá sér.... spáiði í af við myndum sturta úr öllum pokunum... hversu hátt yrði fjallið??

Mig langaði bara til að óska henni Unu innilega til hamingju með sinn gjörsamlega geggjaða árangur!!! Þetta er svooooo frábært! 

Bestu kveðjur að norðan,
Lena

Jæja, ég ætlaði alltaf að skrifa um hvernig hefði gengið í fyrsta tékkinu hjá mér eftir aðgerð.... loksins er komið að því

Ég fór sem sagt í tékk 23. okt sl og kom bara mjög vel út úr því.  Meir að segja það sem var í veseni fyrir aðgerð, þe B12 vítamínið, er komið í 150% lag.  Flestir mælast að sögn Björn Geirs í 450-600 í B12.  Yfirleitt ekki hærra en í 800.  Ég var í 1106   Ójá, engar fleiri B12 sprautur í rassinn á mér sko!  Amk ekki fyrr en eftir næsta tékk sem á víst að vera eftir 6 mánuði.

Hjúkkan sem ég talaði fyrst við og vigtaði mig hún lagði mikla áherslu á skrúbbun húðarinnar og einhver krem.  Ég er sko búin að prófa allan fjandann í gegnum árin og finnst ekkert virka!  Ef einhver veit um krem sem VIRKAR þá má viðkomandi sko láta mig vita.  Í rauninni er eini "gallinn" við að léttast svona hratt að húðin nær engan veginn að fylgja með   Og þið getið rétt ímyndað ykkur manneskju sem var um 65kg of þung hvað hún var komin með mikið af skinni til að ná utan um allt saman!  Núna eru farin um 37 kg frá því sem ég sá þyngst á vigtinni, 30 kg frá aðgerð. 

Jæja... hætt blaðrinu í bili...
kveðja að norðan, Lena

hæ hæ

það gengur allt rosalega vel hjá mér eftir aðgerðina... ég er alveg byrjuð að borða og er svolítið að reka mig á en þetta kemur allt og smám saman lærir maður á það hvað er gott að borða og hvað ekki

Annars finnast mér helgarnar erfiðastar og þá sérstaklega sunnudagarnir, við höfum gert það að venju hjá okkur að fara eitthvað á sunnudögum.. tökum kannski einn bíltúr og fáum okkur "eitthvað" í leiðinni og þannig.  Mér finnast þessir rúntar okkar voðalega erfiðir og þarf að hafa mig alla við til að njóta mín með famelíunni... helst myndi ég vilja bara hlaupa yfir sunnudagana.  Veit svo sem vel að það þarf að brjóta upp rútínuna og fara að gera eitthvað allt annað á sunnudögum, en einhvern vegin tengi ég allt svo famelíu við át.  Í gær fórum við smá rúnt og fengum okkur snarl á leiðinni, ég fékk mér vatn og harðfisk sem var bara rosa gott meðan hinir hámuðu í sig einhverja óhollustu... Mig langar svona aðeins að heyra hvernig hefur gengið hjá ykkur að breyta vananum í enn betri vana

bestu kveðjur

ný vika á reykjalundi vika númer 2 og næst síðasta vikan hehe. var viktuð þar í síðustu viku og vigtaðist 87,9kg og var núna viku seinna 86 kg slétt

Rosalega ánægð með þessa tölvu 1,9 kg á einni viku.

Ætlaði bara að deila news-inu með ykkur    en þið hinar hvernig gengur ?

LUV Una

Nú er ég búin með viku af seinna prógraminu mínu á Reykjalundi og á 2 vikur eftir

þetta lofar bara góðu og erum við búin að gera margt skemmtilegt á þessari viku. En það skemmtilegasta sem gat komið fyrir mig var að fá hana Guðrúnu til að keyra með mér oft er hún búin að halda skapinu í mér niðri og róinni þar með  hehe.....  

En við erum í stafagöngu og það er mjög skemmtilegt og við löbbuðum á fimmtudaginn í gegnum "skóginn" þarna uppfrá en þetta var strax um 8 leitið um morguninn og veðrið var geðveikt.

En annars er bara gott að frétta, alltaf jafn mikið að gera og karfan alveg á fullu er einmitt að fara að keppa á morgun

En þið norðan skvísur ég kem norður 3. mars gerið bæjarbúum viðvart að það verði eitthvað skrímsli sem máli bæinn VEL rauðan

Later Amigos.   

Una

Ég er svo stjórnlaus akkurat núna. Ég á að fara í viktun á Reykjalundi 17.ókt og ég þarf að vera búin að missa um 8 kg

Ég er búin að hafa tíma síðan í ágúst til að missa þessi kíló en ég er bara út á þekju núna. Ég trúi ekki að ég sé að klúðra þessu *grát*

Semsagt ef að ég væri búin að missa þessi kg þá á ég að komast í nóv hópinn á reykjalundi og kæmist þá að öllum líkindum í aðgerð í janúar..

Eruði til að peppa mig upp.. vantar það nauðsynlega núna.. eða þá bara hótanir Allt til að koma mér í gang!

Ég veit að það er mjög langsótt að ég nái að missa 8 kg á 11 dögum (10 ef að ég tel frá morgundeginum) en ég ætla samt að reyna! Kannski slepp ég í gegn ef að ég missi nálægt þessu..

Allavega.. pepp takk

Kv Olga